Display ads

Shri Krishna ke sakha Sudama ko kyun karna pada kathinaiyon ka samna-Tec India Sandeep -kahani

Shri Krishna ke sakha Sudama ko kyun karna pada kathinaiyon ka samna

Shri Krishna ke sakha Sudama ko kyun karna pada kathinaiyon ka samna-Tec India Sandeep -kahani


Shri Krishna ke sakha Sudama ko kyun karna pada kathinaiyon ka samna iske baare me hum aapko aaj ki is post me batane wale he . Sudama Kon tha ? Aur usne apne jiwan me itni kathinaiyon ka samna kyun Kiya ?

Dosto wastav me Sudama parmanand  Shri Krishna ke param bhakt the aur Mitra bhi. Jinki mitrata bachapan me sandipani ke aashram se thi.


Namaskar mitron welcome he aapka humare blog Tec India Sandeep.com me . Aaye din aapke liye tarah tarah ki post technology, blog, Online paise kaise banaye, kahaniyan aadi se related lekar aate rahte he. Aur aaj bhi humne pouradik Katha ki ek intresting kahani lekar aaye he . Aasha he ki aapko pasand aayegi. To chaliye shuru karte he.....

Ye Kahani us samay ki he jub  Shri Krishna, balram aur Sudama sath sath gurukul sandipani ke aashram me viddhya addhayan Kiya karte the. Sudama ek garib bramhan tha aur Shri Krishna rajkumar tha. Lekin sandipani ke aashram me Kya raja aur Kya rank ? Ameer-garib, rajkumar-bramhan sab barabar the. Sabhi ke liye ek see niyam the.


Ek baar baton hi bathon me Krishna ne Sudama ko Mitra kah Diya . Unko mile huye jyada samay bhi nahi huaa tha . Ispar Sudama ne kaha ....

Sudama : gurudev kahte he itna jaldi kisi ko apna Mitra nahi banana chahiye. Jab Tak hum kisi ko achhe se parakha nahi lete Hume unse mitrata nahi karni chahiye .


Shri Krishna: humne to tumhe parakh liya isliye humne tumhe Mitra kah Diya.  Kya main tumhari mitrata ke kabil nahi hun ?

Sudama: nahi nahi aisi baat nahi darasal main hi aapke mitrata ke kabil nahi hun . Mitrata ka niyam bahut hi kathin he . Aur mitrata to wahi he Jo ek mitra dusre Mitra ko vipatti ke samay sath de . Main to ek chhota sa garib bramhan Hun bhala main apni mitrata nahi nibha paya to....

Krishna ka hraday  Sudama ki baate sunkar gadgad ho Gaya .

Krishna: mitrata ke liye ye aameer aur garib ki Baat Kahan se a gai . Mitrata to 2 hraday ka sangam he .
Sudama ka haath thamte huye ....

Krishna: main tumhe wachan deta hun humari mitrata me Mitra dharam sirf main hi nibhaunga . Jab bhi tum par koi musibat aaye tum mujhe yaad Kar lena . Jab bhi tum mujhse sahayta mangoge main tumhari sahayta jarur karunga ye Mera wachan he .

Aisa Krishna ne Mitra Sudama ko wachan de Diya . Dheere dheere Krishna aur Sudama ke beech kafi achhi mitrata ho gai . Would kafi achhe Mitra bana Gaye . Subah uthne se lekar sone tak sath sath rahte .


Ek din ki Baat he gurumata ne Krishna aur Sudama ko lakdiyan lene ke liye jangal bheja. Gurumata ne socha inhe bhook lag jayegi aur thode chane baand de deti he .

Gurumata: Krishna ye thode chane he tumko raste me bhook lage to dono aadhe aadhe  kha Lena .

Krishna: gurumata ye Sudama ko de dijiye . Hum dono bhook lagne par kha lenge. Aur chane gurumata se le lete he.

Gurumata: barish ka samay he, jangl me hinsak janwar bhi rahte he. Isliye sheegra hi lakdiyan wapas loutna .

Krishna aur Sudama: haath jodkar ji gurumata ji.


Ab dono gurumata se aagya lekar jangal ki or chal padhte he .
Dono jangal se sookhi sookhi lakdiyan batorte he . Lakdiyan batorte batorte un dono ko gangal me hi sham ho jati he .


Tabhi achanak badalon ki gadgadahat shuru ho jati he, bijli kadakne lagti he aur baarish hone lagti he , jangli janwaron hi khofnak aawaje aane lagti he .

Aise me Sudama ka dar ke baare bura haal rahta he aur bahut bhookh bhi lagi hoti he.

Sudama: Krishna mujhe bahut dar lag raha he .

Krishna: daro mat main Hun na tumhare sath. Tumhe kuchh nahi hone dunga.

Dono barish me bheeg jate he . Barish me bheegne ki wajay se dono ka sharir kapne lagta he .

Achanak wahan ek Sher aa jata he . Sudama buri tarah darne lagta he . 

Krishna unhe santwana dete he daro mat main tumhare sath Hun na . 

Dono ek ped me chadh jate he . Sudama dar ke maare seeghra hi ped me Chad jata he baad Krishna chadte he.

Sudama ko bahut jor ki bhookh lagi hoti he isliye wo Krishna ko Bina bataye hi chupke chupke chane khane lagte he .

Lekin Shri Krishna to antaryami he wo jaan jate he ki Sudama chupke se akele akele hi chane kha raha he . Aur jab usne Sudama se  pucha  ki wo Kya kha raha he ?


Sudama: nahi to kuchh bhi to nahi  ?

Krishna: to phir ye aawaj kaisi ?

Sudama: mujhe bahut thand lag rahi he na isliye daanto ke katkatane ki aawaj he .

Krishna: achhi baat he .


Jab Sudama Poore chane kha leta he iske baad Krishna ji kahte he ....

Krishna: Sudama mujhe bahut bhookh lagi he . Aashram se gurumata ne Jo chane diye the wo kahan he . Laao to hum aadhe aadhe kha lete .


Sudama ke pass koi jawab nahi tha kyunki usne sare chane akele hi kha liye the .

Sudama: Mitra jab main ped ke upar chhad raha tha tab ped ki ragad se sare chane chhoot Kar neeche gir Gaye . Aisa jhoot bol Diya.
Inhi chano ko khane ke Karan Sudama ko aadhi umra garibi jhelni padi .

Wastav me un chano me ek garib banhani ka shrap tha ki Jo bhi ye chane khayega wo gareeb ho jayega aur ye baat Sudama janta tha.

Janiye aakhir Kyun Diya Gaya tha shrap?


Ek bahut hi daridra bramhni thi Jo bikchha maang Kar aapna poshan karti thi. Ek baar uske dath yun hua ki use 5 din Tak bikchha nahi mili. Sirf pani prekar, Prabhu ka naam lekar hi so jati. Jab 6ve din bikchha mangne gai to use thhode se chane mile. Sham ho gai isliye usne socha in chano ko main subah Prabhu ko bhog lagaungi fir khaungi aur so gai. Raat ke samay kuchh chor uski kutiya me ghus aaye . Unhe chane ki potri mili unhone socha jarur isme Sona -chandi hoga aur lekar bhagne lage. Bramhni jaag gai usne shor macha Diya.  gav ke log wahan ikttha ho Gaye. Bikchhuk  Bramhani ne kroddh me aakar shrap de Diya.


Bramhni: Jo bhi is daridra(garib) bramhni ke chane khayega  wo bhi daridra (garib) ho jayega.


Chor hudbadi me sandipani ke aashram me ja guse . Un dino Prabhu Shri Krishna, balram aur Sudama siksha aaddhyan Kiya karte the. Jab rajmata unki (choron) ki taraf badi to wo hudbadi me chane ki potri wahin chhod Kar bhag Gaye.


Subah roj ki tarah Shri Krishna aur Sudama lakdiyan lane jangal Jane ki tyaari me the. Gurumata ne kaha ruko aur wahi chane Sudama ke haath me thamate huye kaha.....


Gurumata: ye chane dono barabar barabar baantkar kha Lena .

Jangal me sudama ne socha yadi ye chane mere Prabhu ne kha liye to sari shrasti daridra (garib) ho jayegi. Kyunki wo janta tha in chano me daridra bramhni ka shrap he. 

Sudama: nahi- nahi main aisa nahi hone dunga .

Aur sare chane Sudama ne kha liye jiska shrap Sudama ko lag Gaya .

 Isi wajah se Sudama ko aadhi umra se jyada garibi me bitana pada .


Mitron wastav me Sudama garib nahi tha balki wo bhi dhanwan tha. wo bahut hi buddhiman gyaani bramhan tha. Har kaary karne me samarth tha.  lekin dharm ka palan karta tha . Aisa kuchh bhi nahi karta tha jisse uske charitra par daag lage . Apne Prabhu ke niyam ka tiraskar ho. To ye think mitron Sudama ki ek chhoti  si kahani .
Kaisi lagi aapko Sudama aur Shri Krishna ki kahani .


Aaj ke is post ' Sudama ko kyun karna pada kathinaiyon ka samna-Tec India Sandeep' me humne aapko Sudama ki daridrta ki kahani batai he ki aakhir Sudama ko daridrata ka samna kyun karna pada tha . Aasha karte he ki aapko humari post pasand aai hogi and Isse kuchh seekhne ko Mila hoga. Aisi hi interesting post blogging, technology, online paise kaise kamaye and kahaniyan se related lekar aate rahte he. Humari post Sabse pahle pane ke liye humare blog ko subscribe kijiye and humesha humse Jude rahiye . Milte he agle post me tab Tak ki aapse vida lete he.



Post a Comment

0 Comments