Display ads

Kahani 2 pattharon ki -Tec India Sandeep

Kahani 2 pattharon ki 

Kahani 2 pattharon ki -Tec India Sandeep

Ye Kahani 2 pattharon ki he  jise ek kalakar Sundar moorti banana chahta he lekin patthar hathodiyon ki maar sah nahi pata he . Jisse use abaad me bahut pachhtava hota he. lekin ye pachhtava kyun hota he  Yah sab janne ke liye aapko ye kahani shuru se lekar ant Tak dhyan se padhna hoga . Bahut hi interesting kahani he jise padhne ke baad aapko apne karm ke prati doguna lagav ho jayega . Yadi apne sapno ko poora karne me aapke pair beech raste me dagmaga rahe he to ye kahani bilkul aapke liye hi he .


Hiii friends welcome he aapka hamari website Tec India Sandeep.Com me . Aaj Hum aapke liye bahut hi interesting kahani lekar aaye he . Jiska title he"Kahani 2 pattharon ki" to chaliye shuru karte he.....



Ye kahaniyan bhi padhe.....

Jeet aur sachhai ki kahani.

Guru ki mahima - Bhagwan Kahan he? Kahani.


Kahani 2 pattharon ki

Kisi gav me ek kalakar rammurti raha karta tha . Jiski kalakari ke kisse door door Tak faile huye the. Jaisa uska naam tha waisa hi uska kaam. Aaspas ke ilakon me uske jaisa koi doosra kalakar nahi tha . Uski sabse badi khasiyat yahi thi ki wo apne kaam ko apna shouk samajhta tha. Apna kaam khusi se karta tha . Ek din wo kahin ja raha tha raste me  use achanak ek jungle mein do ajeeb kisam ke patthar dikhai diye. Wo wahi ruk gaya aur kuchh sochne laga. Thodi der sochne ke baad uss pathar ke pass jakar baith Gaya. Fir apne thaile se kuchh oujaar nikalkar patthar par prahaar karne laga .


Jaise hi patthar par usne pahli hathoudi maari patthar dard se chilla utha . Kalakar us patthar ki ek Sundar moorti banana chahta tha. Lekin patthar hathodiyon ki maar sah nahi pa raha tha. Bahut koshisho ke bad ant mein pathar ne har Man hi li aur toot Kar bikhar gaya theek vaise hi jaise koi apni jindagi se har man kar aatmhatya ka Sahara leta he.


Kalakar ka to  bekar me hi mehnat aur samay barbad hota hai . Lekin baat yahin par khatam nahi hoti he . Rammurti doosre patthar par prayatn karta he . Hathodiyon ki maar doosre patthar ko bhi padti he , tadpta wo bhi he lekin uski sahanshilta bahut adhik thi. Jiske chalte wo ye samajhta tha yadi mujhe aaj is takleef ka samna karna padh raha he to jarur hi isme koi badi baat hogi . Aur usne apne andar ke aatmvishwash ko barkarar rakha. Sab kuchh sahan karte raha.


Kalakar ko wahan mehnat karte karte sham ho gai . Murtikar bhi bada hi drand sankalp Wala tha usne murti bana Kar hi  chain ki saans li. Murti badi hi Sundar banai aisi murti jisko dekh Kar har koi hakka bakka rah Jaye . Murtikaar wahan se Ghar ki or chal pada kyunki use wahan raat hone lagi thi . Raat me janwaron ka bhi khatra   hota he .


Agle din gaav ke log wahan se gujarte to murti ko dekhkar aashchary me padh jate . Bahut hi pyari ishwar ki us pratima ko dekhkar har koi use pranam karta aur sir jhukata. Koi kahta ye pratima banai gai he , koi kahta tha yaha murti prakat Hui he , kuchh logon ka kahna tha ise murtikaar rammurti ne banaya he kyunki aisi kalakari sirf wahi Kar sakta he. Lekin iska sach kisi ko nahi malum tha.

Jab yah khabar gav ke sarpanch ko Hui to wo bhi bahut khush huye . Sarpanch bahut hi achha aadmi tha . Sarpanch ne rammurti ko bulwakar usse puchha ....

Sarpanch: Kya yah pratima aapne banayi he ?

Rammurti: ji haan yah murti Maine hi banai he .

Ab sabhi ko pata chal Gaya aur yakin bhi ho Gaya . Gav walon ne rammurti ki bahut tarif ki sath Sarpanch jii se mandir banwane ki sifarish ki . Sarpanch ji ne waha ek bada bhavy mandir banwaya aur mandir ke Bahar bade aur sunhare sabdon me rammurti ka name likha Gaya.

Kahani 2 pattharon ki -Tec India Sandeep


Jis patthar ki murti banai gai uski to Pooja archna hone lagi lekin Jo patthar tootkar bikhar gaya use Mandir ki seediyon me istemaal Kar liya Gaya. Jab bhi koi Pooja karne mandir aata to us toote huye patthar par chadhkar jata. Is par use bahut dukh hota he , bada pachhtava hota he . Lekin usko pachhtava is baat ka nahi ki log uski Pooja nahi karte ya us par chadhkar jate he . Balki use pachhtava is baat ka hota he ki jab uska samay tha wo tootkar bikhar gaya.


Is kahani se aapko ye to samajh aa hi Gaya hoga ki sabhi ke jiwan me aage badhne ka mouka sabhi ko milta he lekin safal wahi he Jo kathin paristhiti me bhi sanghrsh karna nahi chhodta , apne aatmvishwash ko nahi tootne deta.Hamari jindgi bhi un do pattharon se Judi he.... Jis tarah

Jo patthar hathodiyon ki Maar,
Sah     nahi    sakta wo
kabhi moorti ban nahi sakta ...

Thik waise hi.......

Jo insan sanghrsh aur kathinaiyon Ki jwala nahi sakta ,
Wo  safalta prapt Kar nahi sakta....

Maine manushy ke jiwan me aane wali kathin paristhiti ko do pattharon ki chhoti si kahani ke maddhyam se samjhane ki kosish ki he.
Jo manushy sanghrsh se haar jata he,
Use  jiwan se  harne se koi nahi rok sakta. ..


Aaj ke post me humne aapko "kahani 2 pattharon ki" ke baare me bataya he.Aasha karta hun mitron aapko ye chhoti post "kahani 2 pattharon ki" pasand aayi hogi aisi hi interesting kahaniyan , Technology ,blog, online paise kaise kamaye se related information aapke liye hamesha late rahte . Hamare sathh Jude rahne ke liye dhanywad. Milte he agle post par . 

Post a Comment

0 Comments